საინტერესო >> 10 წლის ბიჭის სააღდგომო ბიზნესი, რომელიც უკვე ბრენდად იქცა
10 წლის ბიჭის სააღდგომო ბიზნესი, რომელიც უკვე ბრენდად იქცა

”სანდროსგან” – ასე ჰქვია ბრენდს, რომელიც 10 წლის ქართველმა ბიჭმა შექმნა. პატარა ბიზნესმენმა სანდრო ქანთარიამ საკუთარი საქმიანობა აღდგომის დღესასწაულს დაუკავშირა და დეკორატიული, მოხატული კვერცხების წარმოება დაიწყო. ოქროსხელება ოსტატი უკვე მეორე წელია სააღდგომო საჩუქრებს საკუთარი ხელით ამზადებს. საჩუქარი ასეთია: ჩიტის ბუდეში მოთავსებული ფერად-ფერადი კვერცხები.

”ბიზნესიდეა ერთი წლის წინ გამიჩნდა, როცა მასწავლებელმა სააღდგომოდ კვერცხის მოხატვა დამავალა. ნამუშევრები იმდენად ლამაზი გამოვიდა, რომ დედამ მათი რეალიზება შემომთავაზა. მალევე ჩემს ბიზნესზე სტატია დაიწერა, საიდანაც საზოგადოებამ ჩემი საჩუქრების შესახებ შეიტყო და ბაზარზე მოთხოვნაც გაჩნდა”, – ამბობს სანდრო.

როგორც პატარა ბიზნესმენი აღნიშნას, პირველ წელს შეკვეთების საფუძველზე 80 კვერცხი დაამზადა და 230-ამდე ლარი გამოიმუშავა. წელს კი წინასააღდგომო სამზადისი უკვე ერთი კვირაა დაიწყო და შეკვეთა 76 ცალ კვერცხზე მიიღო.

”ჩემი კლიენტები, ძირითადად, ის ადამიანები არიან, რომლებმაც ”სანდროსგან” წინა წელს შეიძინეს. რაც შეეხება მასალას, რომლითაც დეკორატიულ კვერცხებს ვამზადებ,მოხატვისთვის აკვარელსა და აკრილს ვიყენებ. თვითონ კვერცხი კი კაუჩუკის მასალისაა. ზოგჯერ კი ნატურალურ კვერცხსაც ვაფორმებ”, – განუცხადა ”ფორტუნას” სანდრო ქანთარიამ.

ცნობისთვის, პატარა ბიზნესმენის სააღდგომო საჩუქრების რეალიზება ამ ეტაპზე მხოლოდ შეკვეთების საფუძველზე ხორციელდება.

"ფორტუნა"

 

dachi gorgildze

 

dachi 5

ფილტრაცია